ການບັນຊີ ສຳລັບ ວິສາຫະກິດ ຂະໜາດນ້ອຍ ແລະ ກາງ
ໃນຫລັກສູດນີ້, ທ່ານສາມາດສ້າງລະບົບບັນຊີສໍາລັບວິສາຫະກິດຂະໜາດໜ້ອຍ ແລະ ກາງໄດ້ໂດຍການນຳໃຊ້ແບບຟອມຕາຕະລາງເອັກເຊລທີ່ໄດ້ໃຫ້ມາພ້ອມນີ້. ເພື່ອປະຕິບັດສິ່ງນີ້, ທ່ານຈະຕ້ອງໄດ້ນຳໃຊ້ຄອມພິວເຕີຂອງທ່ານ. ວິທະຍາກອນຈະເປັນຜູ້ຊ່ວຍເຫຼືອທ່ານໃນການນຳໃຊ້ແບບຟອມຕາຕະລາງເອັກເຊລດັ່ງກ່າວນີ້. ໂປຼແກຼມເອັກເຊລຈະຊ່ວຍໃຫ້ທ່ານບັນທືກບັນຊີໄດ້ໄວ ແລະ ຖືກຕ້ອງຂືິ້ນ.
ໃນລະບົບນີ້, ຂໍ້ມູນໃນເອກະສານລາຍງານການເງິນຈະສະແດງຖານະທາງດ້ານການເງິນຂອງວິສາຫະກິດ ເຊີ່ງລວມມີ ຊັບສິນ, ໜີ້ສິນ ແລະ ທືນຂອງເຈົ້າຂອງ ໂດຍອີງຕາມພື້ນຖານບັນຊີເງິນຄ້າງຮັບຄ້າງຈ່າຍ. ເນື້ອໃນບາງສ່ວນ ແລະ ແບບຟອມແມ່ນ ອີງຕາມຂໍ້ມູນໃນກົດໝາຍວ່າດ້ວຍການບັນຊີ ເລກທີ 47/ສພຊ ລົງວັນທີ 26 ທັນວາ 2013 ແລະ ມາດຕະຖານການລາຍງານການເງິນສໍາລັບວິສາຫະກິດຂະໜາດໜ້ອຍ ແລະ ກາງ ເຊີ່ງໄດ້ປະກາດນໍາໃຊ້ຕາມຂໍ້ຕົກລົງຮັບຮອງຂອງລັດຖະມົນຕີ ກະຊວງການເງິນ ເລກທີ 531/ກງ ລົງວັນທີ 26 ກຸມພາ 2016.
ຫົວຂໍ້ທີ່ຈະໄດ້ຮຽນມີດັ່ງລຸ່ມນີ້:
- ພາກສະເໜີ: ບັນຊີສຳລັບ ວິສາຫະກິດຂະໜາດນ້ອຍ ແລະ ກາງ
- ພາກທີ່ 1: ການສັງລວມ ແລະ ກະກຽມ ເອກກະສານເຄື່ອນໄຫວບັນຊີ
- ພາກທີ່ 2: ການບັນທຶກບັນຊີຕາມຮອບວຽນທະລະກິດ
- ພາກທີ່ 3: ເອກກະສານລາຍງານການເງິນ
ພາຍຫຼັງຈົບຫຼັງຈົບຫຼັກສູດນີ້ທ່ານຈະ:
- ສາມາດສ້າງລະບົບບັນຊີເງິນຂັ້ນພື້ນຖານໄດ້
- ສາມາດບັນທຶກບັນຊີຕາມຮອບວຽນທະລະກິດໄດ້
- ສາມາດສ້າງບົດລາຍງານການເງິນໄດ້
- ໄດ້ໃບຢັ້ງຢືນການຝຶກອົບຮົມ