ມີຫຍັງໃຫ້ພວກເຮົາຊ່ວຍທ່ານບໍ່?

ຈະຕິດຕໍ່ໃຫ້ມາໃຫ້ບໍລິການໄດ້ແນວໃດ?

ສາມາດຕິດຕໍ່ພວກເຮົາໄດ້ຫຼາຍທາງ. ໂທຫາ, ສົ່ງອີເມລຫາພວກເຮົາ [email protected] ຫຼື ເຂົ້າໄປໃນໜ້າການບໍລິການ ແລ້ວຕື່ມຂໍ້ມູນການບໍລິການທີ່ຕ້ອງການ ແລ້ວສົ່ງຫາພວກເຮົາ ແລ້ວພວກເຮົາຈະຕິດຕໍ່ຫາ:
1. ບໍລິການບັນຊີ
2. ບໍລິການກວດສອບ
3. ບໍລິການສ່ວຍສາອາກອນ
4. ບໍລິການຝຶກອົບຮົມ

ເປັນຫັຍງຕ້ອງໄດ້ຕອບຄຳຖາມ ຫຼື ສະໜອງຂໍ້ມູນກ່ອນການສະເໜີລາຄາ ຫຼື ບໍລິການ?

ການຕອບຄຳຖາມ ແລະ ໃຫ້ຂໍ້ມູນເບື້ອງຕົ້ນເປັນສີ່ງສຳຄັນເພື່ອໃຫ້ຮູ້ຂໍ້ມູນເບື້ອງຕົ້ນກ່ຽວກັບທຸລະກິດ ແລະ ຄວາມຕ້ອງການຂອງທ່ານເພື່ອເປັນຂໍ້ມູນໃຫ້ພວກເຮົາສາມາດປະເມີນເວລາ ແລະ ທີມງານທີ່ມີປະສົບການເໝາະສົມ ແລະ ປະເມິນຄ່າບໍລິການທີ່ສົມເຫດສົມຜົນໃຫ້ທ່ານໄດ້. ກາລຸນາໃຫ້ຂໍ້ມູນກັບພວກເຮົາໃຫ້ຫຼາຍເທົ່າທີ່ທ່ານສາມາດໃຫ້ໄດ້. 

ຈະຮັບປະກັນໄດ້ແນວໃດວ່າຂໍ້ມູນທີ່ສະໜອງໃຫ້ໃນຄຳຖາມຈະຖຶກເກັບຮັກສາໄວ້ເປັນຄວາມລັບ?

ໜື່ງໃນຈັນຍາບັນຂອງນັກບັນຊີ ແລະ ກວດສອບແມ່ນການຮັກສາຄວາມລັບເຊີ່ງພວກເຮົາໃຫ້ຄວາມສຳຄັນ. ຂໍ້ມູນຂອງທ່ານຈະຖຶກຮັກສາໄວ້ເປັນຄວາມລັບ ແລະ ນຳໃຊ້ເພື່ອການປະເມີນລາຄາຄ່າບໍລິການເທົ່ານັ້ນ.

ຖ້າບໍ່ຢາກຕອບຄຳຖາມ ແລະ ຢາກລົມກັນໜ້າຕໍ່ໜ້າໄດ້ບໍ່?

ໄດ້. ກາລຸນາຕິດຕໍ່ຫາພວກເຮົາໃຫ້ພວກເຮົາເຂົ້າໄປຫາທ່ານຕາມວັນເວລາ ແລະ ສະຖານທີ່ທີ່ທ່ານສະດວກ ຫຼື ທ່ານສາມາດມາຫ້ອງການພວກເຮົາກໍ່ໄດ້ເຊັນກັນ

ຈະຮັບປະກັນໄດ້ແນວໃດວ່າການບໍລິການຂອງພວກເຮົາໄດ້ຕາມທີ່ທ່ານຕ້ອງການ ແລະ ຄາດຫວັງໄວ້?

ພວກເຮົາໃຫ້ການບໍລິການທີ່ຫຼາກຫຼາຍໃຫ້ທ່ານສາມາດເລືອກໄດ້ຕາມທ່ານຕ້ອງການ. ທ່ານອາດຕອບຄຳຖາມຂອງພວກເຮົາອະທິບາຍຄວາມຕ້ອງການຂອງທ່ານໃນຄຳຖາມຂອງພວກເຮົາ ຫຼື ໃນເວລາປະຊຸມຮ່ວມກັນເບື້ອງຕົ້ນກັບພວກເຮົາ. ທີມງານຂອງພວກເຮົາມີປະສົບການຫຼາຍກ່ວາ 15 ປີ ໃນການໃຫ້ການບໍລິການບັນຊີ, ກວດສອບ ແລະ ທີ່ປຶກສາໃຫ້ກັບຫຼາກຫຼາຍອົງກອນໃນ ສປປ ລາວ.

ຈະຮັບປະກັນໄດ້ແນວໃດວ່າການບໍລິການຂອງພວກເຮົາສຳເລັດຕາມເວລາທີ່ກຳນົດ?

ເພື່ອໃຫ້ສຳເລັດຕາມເວລາທີ່ກຳນົດ, ພວກເຮົາຈະເລີ້ມດຳເນີນການທັນທີ່ພາຍຫຼັງທີ່ໄດ້ເຊັນສັນຍາ. ພວກເຮົາຈະຂໍຂໍ້ມູນ ແລະ ເອກກະສານທີ່ກ່ຽວຂ້ອງກັບການບໍລິການຂອງພວກເຮົາລ່ວງໜ້າເພື່ອທົບທວນ ແລະ ວາງແຜນໃນການດຳເນີນງານໃຫ້ສຳເລັດ ແລະ ກ່ອນການດຳເນີນງານ, ພວກເຮົາຈະປະຊຸມກັບທ່ານເພື່ອປຶກສາຫາລືແຜນວຽກຂອງພວກເຮົາເຊີ່ງແຜນຂອງພວກເຮົາຈະປະກອບມີຂໍ້ມູນທີ່ຕ້ອງການສຳລັບການບໍລິການ, ຕາຕະລາງເວລາ ແລະ ທີມງານທີ່ກ່ຽວຂ້ອງ. ຈາກປະສົບການຂອງພວກເຮົາ, ມີບາງສາເຫດທີ່ເຮັດໃຫ້ຊັກຊ້າເຊີ່ງທ່ານ ແລະ ພວກເຮົາສາມາດປຶກສາຫາລື ແລະ ແກ້ໄຂໄດ້:

1. ສະໜອງຂໍ້ມູນທີ່ກ່ຽວຂ້ອງກັບການບໍລິການຂອງພວກເຮົາບໍ່ຄົບຖ້ວນ
2. ຊັກຊ້າໃນການໃຫ້ຂໍ້ມູນທີ່ກ່ຽວຂ້ອງກັບການບໍລິການຂອງພວກເຮົາ
3. ບໍ່ມີການແຕ່ງຕັ້ງຜູ້ປະສານງານໃນໄລຍະການໃຫ້ການບໍລິການ ຫຼື ຜູ້ປະສານງານມີວຽກຫຼາຍໂດຍບໍ່ມີເວລາໃຫ້ຄວາມຮ່ວມມືກັບທີມງານຂອງພວກເຮົາ
4. ຊັກຊ້າໃນການໃຫ້ຄຳເຫັນ ຫຼື ຢືນຢັນຕໍ່ກັບການບໍລິການຂອງພວກເຮົາທີ່ສະໜອງໃຫ້. ຍົກຕົວຢ່າງ ບາງລູກຄ້າໃຊ້ເວລາຫຼວງຫຼາຍໃນການໃຫ້ຄຳກະຈ່າງແຈ້ງຕໍ່ກັບຮ່າງບົດລາຍງານການກວດສອບໂດຍສະເພາະໃນຂໍ້ສັງເກດທີ່ຍົກຂື້ນໃນຄຳສະເໜີແນະຕໍ່ກັບຜູ້ບໍລິການ; ບໍ່ມີເວລາໃຫ້ຄຳເຫັນ ແລະ ຢືນຢັນ ແລະ ອື່ນໆ