ເຄື່ອງມືຂອງທີມງານຂອງພວກເຮົາ

ທີມງານຂອງພວກເຮົາປະກອບມີທີ່ປືກສາພາຍໃນທີ່ມີປະສົບການເຮັດວຽກກັບອົງການສາກົນຕ່າງໆ ແລະ ທີ່ປືກສາຕ່າງປະເທດ ທີ່ມີຄວາມຮູ້ກ່ຽວກັບສະພາບ, ບັນຫາ ແລະ ເງື່ອນໄຂຕ່າງໆພາຍໃນປະເທດເປັນຢ່າງດີ

ທີມງານວິຊາການຂອງບໍລິສັດ ແອ໋ກມີນ ມີປະສົບການມາແຕ່ປີ 2001 ໃນການໃຫ້ບໍລິການບັນຊີ, ການກວດສອບບັນຊີ, ທີ່ປືກສາດ້ານການບໍລິຫານ ໃຫ້ແກ່ລູກຄ້າທີ່ດຳເນີນທຸລະກິດໃນ ສ ປ ປ ລາວ. ຜ່ານການໃຫ້ການບໍລິການ, ການຄຸ້ມຄອງບັນຊີການເງິນ ທັງເປັນສ່ວນບຸກຄົນ ແລະ ການຮ່ວມມືກັບບັນດາບໍລິສັດຕ່າງປະເທດ, ທີມງານຂອງບໍລິສັດ ມີຄວາມຄຸ້ນເຄີຍກັບລະບົບບັນຊີ, ການຄຸ້ມຄອງການເງິນ ແລະ ການລາຍງານຂອງລັດຖະບານລາວ, ອົງກອນບໍ່ຫວັງຜົນກຳໄລ, ວິສາຫະກິດ ແລະ ອົງການສາກົນ ໃນ ສ ປ ປ ລາວ ເຊິ່ງປະກອບມີ: ອົງການເພື່ອການພັດທະນາສາກົນ, ທະນາຄານພັດທະນາອາຊີ, ກອງທຶນໂລກຕ້ານເອດສ, ວັນນະໂລກ ແລະ ໄຂ້ຍຸງ, ອົງການກາແດງສະວິດສະແລນ, ອົງການເຂົ້າຈີ່ໂລກ ແລະ ໂຄງການຟາສເທັນອອບເຟີ.

​ໃນການພັດທະນາອາຊີບຂອງທີມງານຂອງພວກເຮົາ, ແຕ່ລະສະມາຊິກຂອງທີມງານຈະໄດ້ອຸດທິດຕົນເພື່ອສ້າງຄວາມສາມາດດ້ານວິຊາຊີບ ແລະ ບໍລິການ ໃຫ້ຢູ່ໃນລະດັບສູງສຸດໃຫ້ແກ່ລູກຄ້າ. ເພື່ອບັນລຸເປົ້າໝາຍດັ່ງກ່າວ, ບໍລິສັດ ແອ໋ກມີນ ໄດ້ມີການຊຸກຍູ້ ແລະ ສະໜັບສະໜູນສະມາຊິກທີມງານຂອງພວກເຮົາເພື່ອສຶກສາ ແລະ ຮຽນຮູ້ແບບຕໍ່ເນື່ອງ, ສັງເກດຫາແນວໂນມໃໝ່ໆທີ່ຈະເກິດຂື້ນດ້ານວິຊາຊີບການບັນຊີເພື່ອນຳໃຊ້ຄວາມຮູ້ດັ່ງກ່າວເຂົ້າໃນການພັດທະນາວິທີການແກ້ໄຂບັນຫາ, ການແນະນຳວິທີການປັບປຸງການຈັດລະບົບ ແລະ ການອອກແບບລະບົບບັນຊີ ແລະ ການຄຸ້ມຄອງການເງິນຂອງບັນດາລູກຄ້າຂອງພວກເຮົາ.

ທີມງານແອ໋ກມິນທີ່ເຂົ້າມາເຮັດວຽກໃໝ່ ແລະ ເຮັດວຽກມາດົນແລ້ວຕ້ອງໄດ້ມີການຝຶກອົບຮົມຢ່າງຕໍ່ເນືອງໃຫ້ສາມາດນຳໃຊ້ເຄື່ອງມື ແລະ ເຕັກນິກຕ່າງໆໃນການບໍລິການລູກຄ້າຂອງພວກເຮົາ ແລະ ຍັງປະຕິບັດໃຫ້ສອດຄ່ອງກັບກົດຈັນຍາບັນຂອງນັກບັນຊີໃນການພັດທະນາຄວາມຮູ້ຢ່າງຕໍ່ເນືອງ. ສີ່ງນີ້ແມ່ນເພື່ອຮັບປະກັນວ່າການເຮັດວຽກມີປະສິດທິພາບ ແລະ ປະສິດທິຜົນສູງສຸດໃຫ້ກັບລູກຄ້າ ແລະ ທີມງານຂອງພວກເຮົາ.

ເຂົ້າລະບົບ